ह्वासङ नेपाली परिवार दक्षिण कोरियाको चौथो अधिवेशन फेब्रुअरी १ मा हुने

समाचार

गृहपृष्ठ
समाचार

ह्वासङ नेपाली परिवार दक्षिण कोरियाको चौथो अधिवेशन फेब्रुअरी १ मा हुने

नयाँ दैनिकी मंगलबार, माघ १४, २०८२

सउल, दक्षिण कोरिया
दक्षिण कोरियामा सक्रिय सामाजिक संस्था ह्वासङ नेपाली परिवार ले आफ्नो चौथो अधिवेशन आगामी फेब्रुअरी १ तारिख (आइतबार) आयोजना गर्ने भएको छ। “प्रवासी भूमिमा एकता नै हाम्रो सहारा हो” भन्ने मूल नाराका साथ सन् २०१९ मा स्थापना भएको यस संस्थाले कोरियामा रहेका नेपाली समुदाय र कोरियन समाजबीच सेतुको भूमिका निर्वाह गर्दै आएको छ।

स्थापनाको ७ वर्षको अवधिमा सामाजिक, सांस्कृतिक तथा परोपकारी गतिविधिहरूमार्फत आफ्नो छुट्टै पहिचान बनाउँदै आएको संस्थाले यस अधिवेशनमार्फत नयाँ कार्यसमिति चयन तथा आगामी कार्यदिशा तय गर्ने जनाएको छ।

📌 कार्यक्रम विवरण:

मिति: २०२६ फेब्रुअरी १, आइतबार
समय: बिहान ११:०० बजे
स्थान: सरो सेन्टरको हल, फारान
(경기도 화성시 향남읍 3·1만세로 1113, 지하 1층)

आयोजक संस्थाले कोरियामा क्रियाशील विभिन्न संघ–संस्थाका प्रतिनिधि, व्यवसायी, बुद्धिजीवी, सञ्चारकर्मी तथा सम्पूर्ण नेपाली दाजुभाइ तथा दिदीबहिनीहरूलाई कार्यक्रममा गरिमामय उपस्थितिका लागि हार्दिक निमन्त्रणा गरेको छ।

प्रवासमा रहेका नेपालीहरूबीच एकता सुदृढ गर्न र समुदायको हितका लागि साझा एजेन्डामा छलफल गर्न यो अधिवेशन महत्वपूर्ण हुने विश्वास आयोजकले व्यक्त गरेको छ।

प्रकाशित मिति: मंगलबार, माघ १४, २०८२ १५:०५

प्रतिक्रिया दिनुहोस्