संघभित्रको विवाद समाधानका लागि पुरानो सोच त्यागौं – डा. केशव पौडेल

समाचार

गृहपृष्ठ
समाचार

संघभित्रको विवाद समाधानका लागि पुरानो सोच त्यागौं – डा. केशव पौडेल

नयाँ दैनिकी शुक्रबार, माघ १७, २०८२

काठमाडौँ । गैरआवासीय नेपाली संघ (एनआरएनए) का उपाध्यक्ष एबम अभियन्ता डा. केशव पौडेलले संघभित्रको विवाद समाधानका लागि पुरानो सोच त्यागेर समयसापेक्ष परिवर्तन हुनुपर्नेमा जोड दिएका छन् । परराष्ट्र मन्त्रालयमा बिहीवार भएको छलफलका क्रममा उनले एनआरएनएमा ‘जेनजी’ आन्दोलनमा जस्तै आमूल परिवर्तनको खाँचो रहेको बताएका हुन् । पौडेलले एनआरएनएले आफ्नो आन्तरिक विवाद आफैँ सुल्झाउन नसकेर मन्त्रालयसँग गुहार माग्नुपर्ने अवस्था आउनु दुःखद भएको टिप्पणी गरे । विशेष गरी नवौँ महाधिवेशनदेखि नै डेलिगेट्स (प्रतिनिधि) चयनमा देखिएको विवाद अहिलेसम्म कायमै रहेको र यसको स्थायी समाधान विना संस्था अघि बढ्न नसक्ने उनको तर्क थियो । उनले भने, “कहिले विधानको डर देखाउने त कहिले कानुनको डर देखाउने गरेर मात्र हुँदैन, अब समयको मागअनुसार परिवर्तन हुनुपर्छ । पुरानै सोच राखेर एनआरएनए चल्न सक्दैन, सबै कुरा परिवर्तन भइसक्यो ।”

निर्वाचन प्रणालीका बारेमा बोल्दै डा. पौडेलले अनलाइन र हाइब्रिड मतदान प्रणाली एनआरएनएको हकमा पूर्ण रूपमा असफल भइसकेकोले यस्को नामै लिन नहुने बताए । आफ्नो अनुभव सुनाउँदै उनले १० औँ महाधिवेशनमा हाइब्रिड प्रणाली अपनाउँदा आफ्नो ‘०’ मत आएको स्मरण गरे । उनले अनलाइन प्रणालीमा विश्वासको वातावरण नभएकाले मतदानको विश्वसनीयता कायम गर्न भौतिक रूपमै निर्वाचन गराउनुपर्ने अडान राखे । “सरकारले समेत पहिलाका बिषय नबुझेर अनलाइनबाट भोट भनेको छ तर एनआरएनएको हकमा यो किन मिल्दैन भने यहाँ विश्वासको वातावरण छैन । विश्वास सिर्जना गर्न पनि भौतिक रूपमा जानुपर्ने आवश्यकता छ, हाइब्रिड प्रणाली त फेल भइसक्यो,” उनले भने ।

उनले एकताबद्ध एनआरएनए बनाउनका लागि भौतिक चुनाव र त्यसअघि डेलिगेट्स तथा मेम्बरसिप (सदस्यता) प्रणालीमा व्यापक सुधार हुनुपर्ने माग राखे । यसै गरी, उनले संस्थाभित्रका समस्यालाई समाधान गर्नुको सट्टा शक्तिकेन्द्र धाउने र अदालत लैजाने प्रवृत्तिको पनि कडा आलोचना गरे । उनले अब एनआरएनएलाई नयाँ पुस्ताको चाहना र प्रविधिभन्दा पनि विश्वासिलो पद्धतिअनुसार पारदर्शी बनाएर लैजानुपर्नेमा जोड दिए ।

यस्तै बद्री केसीले बैठकका क्रममा गलत तथ्य प्रस्तुत गरेको भन्दै उनले कटाक्ष समेत गरेका थिए। उनले कटाक्ष गर्न थालेपछि केही समय गल्फती समेत भएको थियो। केसि समुहले आफु र अध्यक्ष महेश श्रेष्ठले बोल्दा बोल्दै माईक बन्द गरेर तल्लो स्तरको व्यवहार गरेकोमा आलोचना गरे । पौडेलले प्रत्यक्ष निर्वाचनको बिकल्प नभएको,अनलाईन र हाईब्रीड प्रणाली पहिलेनै असफल भएकाले यसको नाम पनि लिन नहुने, प्रत्यक्ष निर्वाचन गर्दा हजारौं गैर आवासीय नेपाली देशमा आउदा पर्यटन र अर्थतन्त्रमा सुधार आउने र स्वदेशमै प्रत्यक्ष उपस्थिति भएर निर्वाचन गर्दा एनआरएनएको गिरेको साख केहि भनेपनी जोगिने भएकाले केही ब्यक्ति र समुहको स्वार्थमा अनलाइन निर्वाचन गराउन नहुने बताए । उनले ९९% गैरआवासीय नेपाली र अभियन्ताहरु प्रत्यक्ष निर्वाचनको पक्षमा रहेकाले केहि ब्यक्तिलाई निर्वाचन जिताउनकै लागि अनलाइनको नाटक नरच्न केसि समुहलाई चेतावनी दिए । केसि समुहकै धेरै अभियन्ताहरु हाल प्रत्यक्ष निर्वाचनकै पक्षमा छन ।

प्रकाशित मिति: शुक्रबार, माघ १७, २०८२ १४:३०