कोरियामा तृष्णा गुरुङ र ‘द कोल्याब ब्यान्ड’ कन्सर्टको तयारी तीव्र

समाचार

गृहपृष्ठ
समाचार

कोरियामा तृष्णा गुरुङ र ‘द कोल्याब ब्यान्ड’ कन्सर्टको तयारी तीव्र

नयाँ दैनिकी मंगलबार, भदौ २३, २०८३

नयाँदैनिकी/सोल

दक्षिण कोरियामा क्रियाशील नवलपुर समाजले आफ्नो पहिलो प्रस्तुतिका रूपमा आयोजना गर्न लागेको तृष्णा गुरुङ एन्ड द कोल्याब ब्यान्ड कन्सर्टको तयारी तीव्र पारेको छ।

आगामी सेप्टेम्बर २५, २०२६ मा दक्षिण कोरियाको राजधानी सोलमा आयोजना हुने उक्त सांगीतिक कार्यक्रममा लोकप्रिय गायिका तृष्णा गुरुङ र द कोल्याब ब्यान्डको विशेष प्रस्तुति रहनेछ। कार्यक्रममा गायक अर्जुन सापकोटाको समेत प्रस्तुति रहने छ।

कार्यक्रम सोलको जोङ्नो-गुस्थित HW Convention Center मा आयोजना हुनेछ। नवलपुर समाजले पहिलोपटक आयोजना गर्न लागेको यो सांगीतिक कार्यक्रमलाई सफल बनाउन आवश्यक तयारी तथा प्रचारप्रसारलाई तीव्र बनाइएको छ।

तृष्णा गुरुङ नेपाली संगीत क्षेत्रमा आफ्नो फरक गायन शैली र लोकप्रिय गीतका कारण विशेष पहिचान बनाउन सफल गायिका हुन्। उनका गीतहरू विशेषगरी युवा पुस्तामाझ लोकप्रिय छन्। प्रत्यक्ष ब्यान्डसहित हुने उनको प्रस्तुतिले कोरियामा रहेका नेपाली संगीतप्रेमीलाई आकर्षित गर्ने अपेक्षा गरिएको छ।

त्यस्तै, कार्यक्रममा नेपाली लोकसंगीत क्षेत्रमा परिचित गायक अर्जुन सापकोटाको उपस्थितिले कार्यक्रमलाई थप आकर्षक बनाउने अपेक्षा गरिएको छ। फरक सांगीतिक स्वादका कलाकारलाई एउटै मञ्चमा सुन्न र हेर्न पाउने भएकाले कार्यक्रमप्रति कोरियास्थित नेपाली समुदायको चासो बढ्ने विश्वास गरिएको छ।

प्रकाशित मिति: मंगलबार, भदौ २३, २०८३ ०४:०१

प्रतिक्रिया दिनुहोस्