नयाँ वर्षमा सुवन नेपाली समाजको शुभकामना आदानप्रदान कार्यक्रम

समाचार

गृहपृष्ठ
समाचार

नयाँ वर्षमा सुवन नेपाली समाजको शुभकामना आदानप्रदान कार्यक्रम

नयाँ दैनिकी बिहीबार, चैत २६, २०८२

सुवन (दक्षिण कोरिया)। सुवन तथा आसपास क्षेत्रमा व्यवसाय सञ्चालन गरिरहेका नेपालीहरूको साझा संस्था सुवन नेपाली समाजले नेपाली नयाँ वर्ष २०८३ को अवसरमा शुभकामना आदान–प्रदान कार्यक्रम आयोजना गर्ने भएको छ।

समाजका अनुसार उक्त कार्यक्रम आगामी बैशाख १ गते (अप्रिल १४ तारिख) सुवनस्थित नारायणी प्यालेस रेस्टुरेन्टमा आयोजना हुनेछ। कार्यक्रम साँझ ५:०० बजेदेखि ७:०० बजेसम्म सञ्चालन हुने जनाइएको छ।

नयाँ वर्षको पावन अवसरमा आयोजना हुन लागेको उक्त कार्यक्रममा सुवन तथा आसपास क्षेत्रमा रहेका नेपाली समुदायका व्यक्तिहरू, व्यवसायीहरू तथा विभिन्न संघ–संस्थाका प्रतिनिधिहरूको उल्लेखनीय सहभागिता रहने अपेक्षा गरिएको छ।

सुवन नेपाली समाज कोरियामा रहेका नेपालीहरूबीच आपसी सहयोग, समन्वय तथा सहकार्यलाई सुदृढ बनाउने उद्देश्यले स्थापना गरिएको संस्था हो।

कार्यक्रममा उपस्थित भई नयाँ वर्षलाई सामूहिक रूपमा स्वागत गर्न समाजले सम्पूर्ण नेपाली समुदायमा हार्दिक आग्रह गरेको छ।

प्रकाशित मिति: बिहीबार, चैत २६, २०८२ १२:२८

प्रतिक्रिया दिनुहोस्