कोरियामा माघे संक्रान्ति विशेष सांस्कृतिक कार्यक्रम भव्य रूपमा सम्पन्न (फोटो फिचर)

समाचार

गृहपृष्ठ
समाचार

#maghesangkranti #magarsanghakorea कोरियामा माघे संक्रान्ति विशेष सांस्कृतिक कार्यक्रम भव्य रूपमा सम्पन्न (फोटो फिचर)

नयाँ दैनिकी बुधबार, माघ ८, २०८२

मोक्फो। दक्षिण कोरियामा रहेका नेपाली समुदायले आयोजना गरेको माघे संक्रान्ति विशेष सांस्कृतिक कार्यक्रम–२०८२ भव्य र सभ्य रूपमा सम्पन्न भएको छ। नेपाल मगर संघ, गणतन्त्र कोरिया (मोक्फो–छल्लादो शाखा) को मुख्य व्यवस्थापनमा सम्पन्न कार्यक्रममा नेपाली मौलिक संस्कृति, परम्परा तथा खानपानको प्रवर्द्धन गरिएको थियो। कार्यक्रममा लोकदोहोरी, सांस्कृतिक नृत्य तथा विभिन्न सांस्कृतिक प्रस्तुतीमार्फत नेपाली पहिचान झल्काइएको थियो। सहभागी कलाकारहरूको उत्कृष्ट प्रस्तुतीले दर्शकहरूलाई मन्त्रमुग्ध बनाएको थियो। साथै कार्यक्रममा सहभागीहरूलाई माघे संक्रान्तिसँग सम्बन्धित परिकारहरू वितरण गरिएको थियो। कार्यक्रममा नेपाली राजदूत देखि कोरियामा रहेका विभिन्न संघ–संस्थाका प्रतिनिधि, समाजसेवी तथा ठूलो संख्यामा नेपाली समुदायको उल्लेख्य उपस्थिति रहेको थियो। आयोजक पक्षले कार्यक्रम सफल बनाउन सहयोग गर्ने सबैलाई धन्यवाद व्यक्त गर्दै यस्ता सांस्कृतिक कार्यक्रमहरूले प्रवासमा नेपाली एकता, संस्कृति र परम्पराको संरक्षणमा महत्वपूर्ण भूमिका खेल्ने विश्वास व्यक्त गरेको छ। -फोटो अमृत बि के