पत्रकार किशोर श्रेष्ठलाई रिहाई गर्न सर्वोच्चको आदेश

समाचार

गृहपृष्ठ
समाचार

पत्रकार किशोर श्रेष्ठलाई रिहाई गर्न सर्वोच्चको आदेश

नयाँ दैनिकी सोमबार, भदौ १, २०८३

पत्रकार किशोर श्रेष्ठलाई छाड्न आदेश दिइएको छ । सर्वोच्च अदालतले जनआस्थाका प्रधान सम्पादक श्रेष्ठलाई हिरासतमुक्त गर्न र निजको कार्यालयबाट बरामद गरिएका विद्युतीय उपकरणहरू फिर्ता दिन आदेश दिएको छ।

न्यायाधीशद्वय डा. नहकुल सुवेदी र बालकृष्ण ढकालको संयुक्त इजलासले आइतबार श्रेष्ठको हकमा उनकी श्रीमती सरस्वती श्रेष्ठले दायर गरेको बन्दीप्रत्यक्षीकरण रिटमाथि सुनुवाइ गर्दै यस्तो आदेश दिएको हो ।

सर्वोच्च अदालतको आदेशमा भनिएको छ, "जाहेरी दरखास्तमा उल्लेखित तस्बिर जाहेरवाला आफैँले सामाजिक सञ्जाल फेसबुकमा प्रविष्ट गरेको देखिएको र उक्त तथ्यलाई विपक्षीले खण्डन गर्न नसकेको" देखिएको छ।

अदालतले प्रेस स्वतन्त्रता र गोपनीयताको हकबीचको सन्तुलनलाई ध्यानमा राख्दै "समाचार प्रकाशित गरेकै आधारमा पत्रिकाका सम्पादक वा प्रकाशकलाई गिरफ्तार गरी थुनामा राख्न मिल्ने अवस्थाको विद्यमानता नदेखिएको" ठहर गरेको छ।

प्रकाशित मिति: सोमबार, भदौ १, २०८३ १९:३६

प्रतिक्रिया दिनुहोस्