जनसम्पर्क समितिलाई अझ राम्रो बनाउन निरन्तर लाग्नेछु: लक्ष्मण दाहाल

समाचार

गृहपृष्ठ
समाचार

जनसम्पर्क समितिलाई अझ राम्रो बनाउन निरन्तर लाग्नेछु: लक्ष्मण दाहाल

नयाँ दैनिकी सोमबार, असार २९, २०८३

सौल। नेपाली जनसम्पर्क समिति दक्षिण कोरियाको सातौँ अधिवेशनअन्तर्गत सम्पन्न सभापति पदको निर्वाचनमा उपविजेता बनेका लक्ष्मण दाहालले निर्वाचन परिणामलाई सम्मानपूर्वक स्वीकार गर्दै संगठनको सुदृढीकरणका लागि निरन्तर सक्रिय रहने बताएका छन्।

निर्वाचनपछि प्रतिक्रिया दिँदै दाहालले आफूलाई मतदान गर्ने तथा प्रत्यक्ष–अप्रत्यक्ष रूपमा साथ, सहयोग र विश्वास व्यक्त गर्ने सबैप्रति हार्दिक आभार व्यक्त गरेका छन्। उनले प्राप्त जनमतलाई संगठनप्रतिको जिम्मेवारीका रूपमा लिँदै आगामी दिनमा नेपाली जनसम्पर्क समितिलाई अझ सशक्त, प्रभावकारी र जनमुखी बनाउन आफू निरन्तर लागिरहने प्रतिबद्धता जनाएका छन्।

दाहालले निर्वाचन लोकतान्त्रिक प्रक्रियाको महत्वपूर्ण अभ्यास भएको उल्लेख गर्दै विजयी टोलीलाई बधाईसमेत दिएका छन्। उनले संगठनभित्र एकता, सहकार्य र आपसी सम्मान कायम राख्दै सबै पक्षसँग हातेमालो गरेर अघि बढ्नुपर्नेमा जोड दिएका छन्।

उनले नेपाली जनसम्पर्क समितिलाई कोरियामा रहेका नेपाली समुदायको अझ प्रभावकारी साझा संगठनका रूपमा विकास गर्न आफू भविष्यमा पनि सक्रिय भूमिका निर्वाह गर्ने विश्वास व्यक्त गरेका छन्।

प्रकाशित मिति: सोमबार, असार २९, २०८३ १६:१८

प्रतिक्रिया दिनुहोस्