नेपाली कांग्रेसकी उपसभापति पुष्पा भुसाल कोरिया आइपुगिन्

समाचार

गृहपृष्ठ
समाचार

नेपाली कांग्रेसकी उपसभापति पुष्पा भुसाल कोरिया आइपुगिन्

नयाँ दैनिकी शनिबार, असार २७, २०८३

अशोक मैनाली/सौल

नेपाली कांग्रेसकी उपसभापति पुष्पा भुसाल नेपाली जनसम्पर्क समिति दक्षिण कोरियाको सातौँ अधिवेशनमा सहभागी हुन शनिबार दक्षिण कोरिया आइपुगेकी छन्।

उनलाई इन्चोन अन्तर्राष्ट्रिय विमानस्थलमा नेपाली जनसम्पर्क समिति दक्षिण कोरियाका सभापति भजिन्द्र बहादुर क्षेत्री, उपसभापति लक्ष्मण दाहाल, पदाधिकारी, कार्यसमिति सदस्य तथा कोरियामा रहेका नेपाली समुदायका सदस्यहरूले पुष्पगुच्छा प्रदान गर्दै भव्य स्वागत गरेका थिए। स्वागत कार्यक्रममा विभिन्न क्षेत्रबाट आएका नेपाली कांग्रेसका शुभेच्छुक, जनसम्पर्क समितिका नेता–कार्यकर्ता तथा ठूलो संख्यामा नेपाली समुदायको सहभागिता रहेको थियो।

उपसभापति भुसालले जुलाई १२ मा सोलमा आयोजना हुने नेपाली जनसम्पर्क समिति दक्षिण कोरियाको सातौँ अधिवेशनमा प्रमुख अतिथिका रूपमा सम्बोधन गर्ने कार्यक्रम रहेको छ। साथै, कोरिया बसाइका क्रममा उहाँले यहाँ रहेका नेपाली समुदायसँग भेटघाट, साक्षात्कार तथा अन्तरक्रिया गर्ने कार्यक्रम पनि रहेको जनाइएको छ।

उनको कोरिया भ्रमणले यहाँ रहेका नेपाली कांग्रेससम्बद्ध कार्यकर्ता तथा नेपाली समुदायमा नयाँ उत्साह थपेको जनाइएको छ। सातौँ अधिवेशनमा संगठनको भावी नेतृत्व चयनसँगै समसामयिक विषयमा पनि व्यापक छलफल हुने अपेक्षा गरिएको छ।

Messenger_creation_2284B1EF-80A8-4C06-950D-E0D33ACF0908-1783763715.jpeg
Messenger_creation_6AC995B9-319C-4397-8C2A-D779A32C6507-1783763737.jpeg