दक्षिण कोरियामा सुदूरपश्चिमेलीको बृहत् जमघट हुँदै, बुसानमा बनभोज तथा देउडा कार्यक्रम हुने

समाचार

गृहपृष्ठ
समाचार

दक्षिण कोरियामा सुदूरपश्चिमेलीको बृहत् जमघट हुँदै, बुसानमा बनभोज तथा देउडा कार्यक्रम हुने

नयाँ दैनिकी मंगलबार, असार २३, २०८३

दक्षिण कोरियामा रहेका सुदूरपश्चिमेली नेपालीबीच आपसी एकता, सद्भाव र भाइचारालाई अझ सुदृढ बनाउने उद्देश्यले सुदूरपश्चिम समाज दक्षिण कोरियाको समन्वयमा सुदूरपश्चिम समाज, बुसानले ‘बृहत् भेटघाट तथा बनभोज कार्यक्रम-२०२६’ आयोजना गर्ने भएको छ।

समाजका अध्यक्ष केशव जोशीका अनुसार कार्यक्रम आगामी अगस्ट १५ र १६ मा सञ्चालन हुनेछ। कार्यक्रमलाई सभ्य, भव्य र व्यवस्थित रूपमा सम्पन्न गर्न समाजका निवर्तमान अध्यक्ष देवराज बडुलाई मूल संयोजक तथा सुदूरपश्चिम समाज, दक्षिण कोरियाका पूर्व वरिष्ठ उपाध्यक्ष डि.आर. पनेरुलाई उपसंयोजकको जिम्मेवारी प्रदान गरिएको छ।

वनभोजमा सुदूरपश्चिमका मौलिक परिकारसँगै परम्परागत देउडा सांस्कृतिक कार्यक्रम पनि विशेष आकर्षणका रूपमा रहने जनाइएको छ। कार्यक्रमस्थल तथा अन्य विस्तृत विवरण केही दिनभित्र सार्वजनिक गरिने अध्यक्ष जोशीले जानकारी दिएका छन्।

प्रकाशित मिति: मंगलबार, असार २३, २०८३ १९:३४

प्रतिक्रिया दिनुहोस्