नेपाली जनसम्पर्क समिति, दक्षिण कोरियाको निर्वाचन कार्यतालिका सार्वजनिक

समाचार

गृहपृष्ठ
समाचार

नेपाली जनसम्पर्क समिति, दक्षिण कोरियाको निर्वाचन कार्यतालिका सार्वजनिक

नयाँ दैनिकी शुक्रबार, असार १९, २०८३

नयांदैनिकी, सौल

नेपाली जनसम्पर्क समिति, दक्षिण कोरियाले आफ्नो ७औँ कार्यसमितिको नयाँ नेतृत्व चयनका लागि निर्वाचन कार्यतालिका सार्वजनिक गरेको छ।

निर्वाचन समितिले सार्वजनिक गरेको सूचनाअनुसार ५ जुलाई २०२६ मा मतदाता नामावली प्रकाशन गरिनेछ भने त्यसउपर दाबी–विरोधको प्रक्रिया ६ जुलाई सम्म रहनेछ। त्यसपछि ६ जुलाई मा अन्तिम मतदाता नामावली प्रकाशित गरिने निर्वाचन समितिले जनाएको छ।

उम्मेदवारी मनोनयन दर्ता ७ र ८ जुलाई मा हुने, प्रारम्भिक उम्मेदवार नामावली ९ जुलाई मा सार्वजनिक गरिने तथा दाबी–विरोधको प्रक्रिया १० जुलाई सम्म सञ्चालन गरिनेछ।

त्यसैगरी १२ जुलाई २०२६ बिहान १० बजेसम्म उम्मेदवारी फिर्ता लिन सकिने व्यवस्था गरिएको छ। सोही दिन अन्तिम उम्मेदवार नामावली प्रकाशित गरिनेछ। मतदान, मतगणना, निर्वाचन परिणाम घोषणा तथा नवनिर्वाचित पदाधिकारीहरूको सपथ ग्रहण पनि १२ जुलाई कै कार्यक्रमअनुसार सम्पन्न गरिने जनाइएको छ।

निर्वाचन समितिले अधिवेशनका अन्य कार्यक्रमको समयतालिकाअनुसार आवश्यक परे निर्वाचन कार्यतालिकामा सामान्य हेरफेर हुन सक्ने जनाएको छ।

निर्वाचन समितिका संयोजक डा. ईश्वर धामीले जारी गरेको सूचनामा सम्पूर्ण सदस्य तथा सरोकारवालालाई निर्धारित समयसीमा पालना गरी निर्वाचन प्रक्रियामा सहभागी हुन अनुरोध गरिएको छ।

प्रकाशित मिति: शुक्रबार, असार १९, २०८३ १५:१३

प्रतिक्रिया दिनुहोस्