नेपाली जनसम्पर्क समिति कोरियाको ७औँ अधिवेशन: लोकेश खत्रीको नेतृत्वमा स्वयंसेवक परिचालन

समाचार

गृहपृष्ठ
समाचार

नेपाली जनसम्पर्क समिति कोरियाको ७औँ अधिवेशन: लोकेश खत्रीको नेतृत्वमा स्वयंसेवक परिचालन

नयाँ दैनिकी सोमबार, असार १५, २०८३

नेपाली जनसम्पर्क समिति दक्षिण कोरियाको आगामी ७औँ अधिवेशन, १२ जुलाई २०२६ मा सम्पन्न हुँदैछ। अधिवेशनलाई व्यवस्थित, भव्य तथा सफल बनाउन आयोजित तयारी बैठकले विभिन्न उपसमितिहरू गठन गर्दै जिम्मेवारी बाँडफाँट गरेको छ।

यस क्रममा स्वयंसेवक तथा व्यवस्थापन संयोजकको जिम्मेवारी लोक बहादुर खत्री (लोकेश) लाई प्रदान गरिएको छ। व्यवसायी तथा नेपाली जनसम्पर्क समिति दक्षिण कोरियाका क्षेत्रीय सभापति समेत रहेका खत्रीले अधिवेशनमा स्वयंसेवक परिचालन, व्यवस्थापन तथा कार्यक्रम सञ्चालनमा समन्वय गर्ने जिम्मेवारी सम्हाल्नेछन्।

नयाँदैनिकीसँग कुराकानी गर्दै खत्रीले केन्द्रीय कार्यसमितिले आफूमाथि गरेको विश्वासप्रति आभार व्यक्त गर्दै भने, “मलाई दिइएको जिम्मेवारी इमान्दारीपूर्वक पूरा गर्नेछु। अधिवेशन सफल बनाउन युवा स्वयंसेवकहरूलाई प्रभावकारी रूपमा परिचालन गर्दै सबैसँग समन्वय गरेर काम गर्नेछु।”

आयोजकका अनुसार ७औँ अधिवेशन संगठनको भावी नेतृत्व चयन, संगठन सुदृढीकरण तथा आगामी कार्यदिशा तय गर्ने महत्वपूर्ण अवसरका रूपमा रहेको छ। अधिवेशनलाई सफल बनाउन सम्पूर्ण सदस्य, शुभेच्छुक तथा नेपाली समुदायको सक्रिय सहभागिताको अपेक्षा गरिएको छ।

प्रकाशित मिति: सोमबार, असार १५, २०८३ २२:२६

प्रतिक्रिया दिनुहोस्