दक्षिण कोरियामा कार्यरत पाँचथरका एक युवकको निधन

समाचार

गृहपृष्ठ
समाचार

दक्षिण कोरियामा कार्यरत पाँचथरका एक युवकको निधन

नयाँ दैनिकी शुक्रबार, वैशाख ४, २०८३

दक्षिण कोरियामा कार्यरत एक नेपाली युवाको असामयिक निधनले कोरिया स्थित नेपाली समुदायलाई गहिरो शोकमा डुबाएको छ। पाँचथरको फाल्गुनन्द गाउँपालिका स्थायी घर भई हाल गिम्फो सहरमा कार्यरत ३४ वर्षीय मोहन आङ्देम्बेले आत्महत्या प्रयासपछि उपचारका क्रममा ज्यान गुमाएको दुःखद खबर प्राप्त भएको हो।

प्राप्त जानकारीअनुसार, आङ्देम्बेले आत्महत्या प्रयास गरेपछि उनलाई तत्कालै नजिकैको अस्पतालमा उपचारका लागि पुर्‍याइएको थियो। स्वास्थ्यकर्मीहरूको निरन्तर प्रयासका बाबजुद उनको जीवन जोगाउन नसकिएको बताइएको छ। घटनाको विस्तृत कारण भने खुल्न बाँकी रहेको छ।

विदेशी भूमिमा संघर्षरत एक युवाको यस्तो दुःखद अन्त्यले सम्पूर्ण नेपाली समुदायलाई स्तब्ध बनाएको छ।

स्वर्गीय आङ्देम्बेको निधनप्रति विभिन्न संघसंस्था तथा व्यक्तिहरूले गहिरो दुःख व्यक्त गर्दै श्रद्धाञ्जली अर्पण गरिरहेका छन्। साथै, शोकसन्तप्त परिवारजनप्रति समवेदना प्रकट गर्दै यस्ता घटनाहरू न्यूनीकरणका लागि सामूहिक पहल आवश्यक रहेको धारणा समेत व्यक्त गरिएको छ।

प्रकाशित मिति: शुक्रबार, वैशाख ४, २०८३ ०९:५१

प्रतिक्रिया दिनुहोस्