बुसानमा सुदूरपश्चिम समाजको ११औं अधिवेशन सम्पन्न: केशव दत्त जोशीको नेतृत्वमा नयाँ कार्यसमिति चयन

समाचार

गृहपृष्ठ
समाचार

बुसानमा सुदूरपश्चिम समाजको ११औं अधिवेशन सम्पन्न: केशव दत्त जोशीको नेतृत्वमा नयाँ कार्यसमिति चयन

नयाँ दैनिकी सोमबार, फागुन १८, २०८२

दक्षिण कोरियाको औद्योगिक तथा समुद्री नगरी बुसानमा क्रियाशील सुदुरपश्चिम समाज दक्षिण कोरिया बुसान शाखाको ११औँ अधिवेशनले नयाँ नेतृत्व चयन गर्दै संगठनात्मक एकता र ऊर्जालाई थप मजबुत बनाएको छ। अधिवेशनबाट केशव दत्त जोशि अध्यक्ष पदमा निर्वाचित भएका छन्।

अधिवेशनले सर्वसम्मत रूपमा नयाँ कार्यसमिति चयन गर्दै समाजलाई अझ सशक्त, गतिशील र समुदायमुखी बनाउने प्रतिबद्धता व्यक्त गरेको छ।नयाँ कार्यसमितिमा अध्यक्ष केशव दत्त जोशि रहनुभएको छ भने बरिष्ठ उपाध्यक्षमा चन्द्रदेव जोशि, उपाध्यक्षद्वय बिनोद भट्ट र कृष्ण ब. सिंह चयन हुनुभएको छ। त्यसैगरी महासचिवमा हेनरी नेपाल, सचिवमा मोहन सिंह धामी, कोषाध्यक्षमा बसन्त जोशि तथा सह-कोषाध्यक्षमा सिर्जन साउद निर्वाचित हुनुभएको छ। सदस्यहरूमा विष्णु ठकुल्ला, नरेश सिंह ठकुराठी, वेद थापा, पुरन कुँवर, मुकेस ब. सिंह र हिक्मत राज गिरी चयन हुनुभएको छ।

११औँ अधिवेशनले केवल नयाँ नेतृत्व चयन मात्र नगरी, बुसान क्षेत्रमा रहेका सुदूरपश्चिमेलीहरूको साझा आवाजलाई अझ सुदृढ बनाउने ऐतिहासिक कदमका रूपमा लिइएको छ।

प्रकाशित मिति: सोमबार, फागुन १८, २०८२ १३:१७

प्रतिक्रिया दिनुहोस्