कुपाङको डाटा चुहावटबाट प्रभावित ३ करोड ३७ लाख प्रयोगकर्तालाई ५०,००० क्षतिपूर्ति

समाचार

गृहपृष्ठ
समाचार

कुपाङको डाटा चुहावटबाट प्रभावित ३ करोड ३७ लाख प्रयोगकर्तालाई ५०,००० क्षतिपूर्ति

नयाँ दैनिकी सोमबार, पुस १४, २०८२

सौल। गत महिना भएको डाटा चुहावटबाट प्रभावित ३ करोड ३७ लाख (३३.७ मिलियन) प्रयोगकर्तालाई प्रतिव्यक्ति ५०,००० कोरियन वोन (करिब ३५ अमेरिकी डलर) बराबरको भौचर वितरण गरेर क्षतिपूर्ति दिने घोषणा गरेपछि कुपाङ (Coupang) कडा आलोचनाको सामना गरिरहेको छ।

आलोचकहरूले ती भौचरलाई “प्रलोभन (bait)” भन्दै यस किसिमको क्षतिपूर्ति कम्पनीको इमानदार माफी र जिम्मेवारी स्वीकारोक्ति नभई उपभोक्तालाई पुनः कुपाङ प्लेटफर्ममै बढी खर्च गर्न लोभ्याउने प्रयास मात्र भएको आरोप लगाएका छन्।

कम्पनीका अनुसार आगामी जनवरी १५ तारिखमा प्रत्येक प्रयोगकर्तालाई जम्मा चार वटा भौचर प्रदान गरिनेछ। यसअन्तर्गत कुपाङको मुख्य किनमेल एपमा प्रयोग गर्न मिल्ने ५,००० वोनको एउटा भौचर, कुपाङ इट्स (Coupang Eats) फुड डेलिभरी सेवाका लागि ५,००० वोनको अर्को भौचर दिइनेछ।

त्यसैगरी, हवाई टिकट तथा होटल बुकिङका लागि प्रयोग गर्न मिल्ने कुपाङ ट्राभल (Coupang Travel) मा २०,००० वोनको एउटा भौचर र कुपाङको लक्जरी किनमेल प्लेटफर्म आर.लक्स (R.LUX) मा प्रयोग गर्न मिल्ने २०,००० वोनको अर्को भौचर उपलब्ध गराइने कम्पनीले जनाएको छ।

प्रकाशित मिति: सोमबार, पुस १४, २०८२ १८:२२

प्रतिक्रिया दिनुहोस्