कोरियामा कम्पनी दुर्घटनामा कलाकार छ्न्त्यालको निधन

समाचार

गृहपृष्ठ
समाचार

कोरियामा कम्पनी दुर्घटनामा कलाकार छ्न्त्यालको निधन

नयाँ दैनिकी शनिबार, कात्तिक ९, २०८२

सौल। दक्षिण कोरियामा कार्यरत नेपाली श्रमीकको औद्योगिक दुर्घटनामा परी ज्यान गएको छ । कम्पनीमा चिगेछा (फोर्कलिफ्ट) चलाउने क्रममा च्यापिएर बाग्लुङ स्थायि घर भएका केहर सिङ छन्त्यालको घटनास्थलमै मृत्यु भएको हो ।

८ बर्षदेखी दक्षिण कोरियामा कार्यरत रहेका उनि कोरियास्थित राष्ट्रिय लोकदोहोरी प्रतिष्ठानमा सक्रिय थिए । गायन र वाद्यवादनमा रुची भएका छन्त्याल कोरियामा आयोजना हुने धेरै सांगितिक सांस्कृतिक कार्यक्रमहरुमा समेत सक्रिय सहभागीता जनाउने गरेका थिए ।

कोरियास्थित उनि संवद्ध संघसंस्थाका प्रतिनिधीहरु घटनास्थलतर्फ जाँदै गरेको र घर परिवारलाइ पनि जानकारी गराइसकिएको छ । मृतकका आफ्नै भाइ पनि कोरियामै कार्यरत छन् । राष्ट्रिय लोकदोहोरी गित प्रतिष्ठानका दक्षिण कोरियामा अध्यक्ष खिम छन्त्याल सहितको टोली पनि घटना स्थलमा गएको छ।

प्रकाशित मिति: शनिबार, कात्तिक ९, २०८२ १२:५९