उत्तर कोरिया द्वारा अन्तरमहादेशीय ब्यालेस्टिक क्षेप्यास्त्र (आईसीबीएम) को सफलतापूर्वक परीक्षण

समाचार

गृहपृष्ठ
समाचार

#northkorea #southkorea #us #japan #china उत्तर कोरिया द्वारा अन्तरमहादेशीय ब्यालेस्टिक क्षेप्यास्त्र (आईसीबीएम) को सफलतापूर्वक परीक्षण

नयाँ दैनिकी शुक्रबार, कात्तिक १६, २०८१

उत्तर कोरियाका नेता किम जोङ उनले नयाँ ह्वासोङ–१९ अन्तरमहादेशीय ब्यालेस्टिक क्षेप्यास्त्र (आईसीबीएम) को सफलतापूर्वक परीक्षण गरेको बताएका छन् ।

उत्तर कोरियाली केन्द्रीय समाचार संस्था (केसीएनए) का अनुसार किमको निर्देशनमा उत्तर कोरियाले 'महत्वपूर्ण' क्षेप्यास्त्र परीक्षण गरेको छ, जसले देशको सशस्त्र बलको 'पूर्ण श्रेष्ठतालाई कायम राख्न' कोसेढुङ्गा साबित गरेको छ ।

दक्षिण कोरियाली सेनाले बिहीबार उत्तर कोरियाको प्योङयाङ क्षेत्रबाट बिहान ७बजेर १० मिनेटमा लफ्टेड एंगलबाट प्रहार गरिएको क्षेप्यास्त्र फेला परेको र पूर्वी सागरमा खस्नुअघि करिब एक हजार किलोमिटर उडेको बताएको छ । यसले क्षेप्यास्त्रलाई नयाँ ठोस ईन्धन आईसीबीएमको रूपमा मूल्यांकन गरेको थियो।

प्रकाशित मिति: शुक्रबार, कात्तिक १६, २०८१ १०:४५

प्रतिक्रिया दिनुहोस्